மரிக்க இயலா அழிதல் தேடி....
வியாபாரப் பொருளே
இங்கு வியாபாரியாய்...
பகடை காயின்
முகங்கள் காட்டும்
சுவாரசிய புதிராய்...
உணர்வுகள் அறுந்து
விலையாகும் நேரம்
ஏளனிக்கும் இதயம்...
இரையாகும் ஒவ்வொரு கணமும்
பசி தேடும்
அடுத்த வேளை மனமாய்...
மவுனங்கள் வீழ்ந்து கிடக்கையில்
வக்கிர மனங்களின்
வன்மங்கள் பேசும்...
மரிக்க இயலா அழிதல் தேடி
விளக்கில் வீழும் விட்டில்களாய்...
மீண்டும் மீண்டும்..!
No comments:
Post a Comment